Official Web

عید کے موقع پر افغان طالبان نے 76 قیدیوں کو رہا کردیا

کابل: 

عیدالاضحی کے موقع پر افغان طالبان کے سربراہ ہیبت اللہ اخوندزادہ نے 76 قیدیوں کو رہا کرنے کا حکم دیا ہے جو افغانستان کے صوبوں اروزگان، قندوز، خوست اور سرِ پُل میں افغان طالبان کی قید میں تھے۔

افغان طالبان کے جاری کردہ بیان میں کہا گیا ہے کہ ان کے علاوہ بھی بہت سے دوسرے قیدیوں کو جلد آزاد کیا جائے گا جو افغانستان کے دوسروں صوبوں کی افغان جیلوں میں موجود ہیں۔

بیان کے مطابق، آزاد کیے گئے قیدیوں میں سے 18 صوبہ اروزگان سے، 35 قندوز سے، 15 خوست سے جبکہ 8 قیدی سرِ پُل صوبے کی طالبان جیلوں میں قید تھے۔

واضح رہے کہ طالبان کی جانب سے یہ اعلان ایک ایسے وقت پر کیا گیا ہے جب امریکا اور طالبان میں امن معاہدہ ہونے کی امید ہے جبکہ افغان طالبان اور امریکی حکام میں جلد ہی مذاکرات کا اگلا دور شروع ہونے کی توقع ہے۔

Comments
Loading...