Official Web

امریکی گلوکارہ ٹیلر سوئفٹ سب سے زیادہ کمائی کرنے والی سلیبریٹی قرار

امریکی گلوکارہ ٹیلر سوئفٹ ایک سال میں 18 کروڑ 50 لاکھ ڈالرز کما کر امیر ترین سلیبریٹی قرار پائی ہیں۔

امریکی میگزین فوربز نے سب سے زیادہ کمانے والی 100 شخصیات کی فہرست جاری کی ہے جس میں ٹیلر سوئفٹ کو ایک سال میں سب سے زیادہ کمائی کرنے والی سلیبریٹی قرار دیا گیا ہے۔

2019 میں ٹیلر سوئفٹ کی کمائی میں 131 فیصد اضافہ ہوا ہے جو 2018 میں 8 کروڑ ڈالرز تھی، یہ اداکارہ کی سب سے زیادہ کمائی ہے۔

سب سے زیادہ کمائی کرنے والی شخصیات کی فہرست میں دوسرا نمبر میک اپ کی دنیا کا بڑا نام کیلی جینر کا ہے— فوٹو: فائل

اس سے قبل 2016 میں بھی ٹیلر سوئفٹ 17 کروڑ ڈالرز کے ساتھ سب سے زیادہ کمائی کرنے والی سلیبرٹی قرار پائی تھیں۔

سب سے زیادہ کمائی کرنے والی شخصیات کی فہرست میں دوسرا نمبر میک اپ کی دنیا کا بڑا نام کیلی جینر کا ہے جنہوں نے 2019 میں 17 کروڑ ڈالرز کمائے۔

اس فہرست میں تیسرے نمبر پر امریکی گلوکار و فیشن ڈیزائنر کانیے ویسٹ 15 کروڑ ڈالرز کے ساتھ تیسرے نمبر پر ہیں۔

کانیے ویسٹ 15 کروڑ ڈالرز کے ساتھ تیسرے نمبر پر ہیں— فوٹو :فائل

ارجنٹائن سے تعلق رکھنے والے شہرہ آفاق فٹبالر لائنل میسی 12 کروڑ 70 لاکھ ڈالرز سالانہ کمائی کے ساتھ چوتھے نمبر پر ہیں۔

کرسٹیانو رونالڈو 10 کروڑ 90 لاکھ ڈالرز کے ساتھ اس فہرست میں چھٹے جب کہ برازیلین فٹبالر نیمار 10 کروڑ 50 لاکھ ڈالرز کے ساتھ ساتویں نمبر پر ہیں۔

بالی وڈ اداکار اکشے کمار نے زیادہ کمائی کرنے والی شخصیات کی فہرست سے خانز کی چھٹی کرا دی ہے— فوٹو: فائل

بالی وڈ اداکار اکشے کمار نے زیادہ کمائی کرنے والی شخصیات کی فہرست سے خانز کی چھٹی کرا دی ہے اور بالی وڈ کے کھلاڑی اداکار 6 کروڑ 50 لاکھ ڈالرز کما کر فوربز فہرست میں 33 ویں نمبر پر آگئے ہیں۔

Comments
Loading...