Official Web

نوازشریف کوخدانخواستہ کچھ ہوا توذمہ دارفاشسٹ نیازی ہوں گے، شہبازشریف

لاہور: مسلم لیگ (ن) کے صدرشہبازشریف کا کہنا ہے کہ ڈاکٹرکی ہدایت کے مطابق نوازشریف کو پرہیزی کھانا فوراً فراہم کیا جائے ورنہ نتائج کا ذمہ دارعمران نیازی ہوگا۔ 

مسلم لیگ (ن) کے صدرشہبازشریف نے نواز شریف کو جیل میں پرہیزی کھانا فراہم نہ کرنے پراحتجاج کرتے ہوئے کہا کہ نواز شریف کو جیل میں پرہیزی کھانا نہ فراہم کرنا عمران نیازی کی قاتل ذہنیت کا بین ثبوت ہے، ڈاکٹرکی ہدایت کے مطابق نواز شریف کو پرہیزی کھانا فوراً فراہم کیا جائے ورنہ نتائج کا ذمہ دارعمران نیازی ہوگا جب کہ مریض کا پرہیزی کھانا روک کر وہ سیاسی انتقام کے بدترین درجے پرفائزہوگئے۔

شہبازشریف نے کہا کہ نوازشریف کوخدانخواستہ کچھ ہوا توذمہ دارفاشسٹ نیازی ہوں گے، عمران نیازی میں نہ قوم کی خدمت کی صلاحیت ہے اور نہ سیاسی مخالفت کا ظرف، عمران نیازی کی نالائقی پرتوشک نہیں لیکن فسطائی ذہنیت میں بھی ثانی نہیں رکھتے جب کہ فسطائیت کی کالی رات ختم ہونے کو ہے، پھر ان تمام مظالم کا حساب ہوگا۔

Comments
Loading...