Official Web

مقبوضہ کشمیر: بھارتی فوج نے پلوامہ میں مزید دو نوجوان شہید کر دیئے

سری نگر: مقبوضہ کشمیر میں بھارتی فوج نے نام نہاد سرچ آپریشن کے دوران فائرنگ کرکے 2 کشمیری نوجوانوں کو شہید کردیا۔

کشمیر میڈیا سروس کے مطابق مقبوضہ کشمیر کے ضلع پلوامہ میں بھارتی فوج نے سرچ آپریشن کے دوران 2 کشمیری نوجوانوں کو شہید کردیا۔ شہید ہونے والے نوجوان یونیورسٹی کے طالب علم تھے اور تعطیلات منانے اپنے گھر آئے تھے۔

نوجوانوں کی شہادت پر ضلع بھر کے عوام میں غم و غصے کی لہر دوڑ گئی اور شہری احتجاج کرتے ہوئے اپنے گھروں سے نکل آئے، مظاہرین کو منتشر کرنے کے لیے بھارتی فوج نے پرانے ہتھکنڈے اپناتے ہوئے بے دریغ ہوائی فائرنگ آنسو گیس کی شیلنگ کی۔

دوسری جانب نیشنل انویسٹی گیشن ایجنسی نے حریت فورم کے چیئرمین میرواعظ عمر فاروق کو فنڈنگ کے جھوٹے مقدمے میں تفتیش کیلئے کل نئی دہلی طلب کیا ہے، ایجنسی نے معمر حریت رہنماعلی گیلانی کے صاحبزادے ڈاکٹر نسیم گیلانی کو بھی طلب کیا ہے، جس پر آج سری نگر میں احتجاجاً شٹرڈاؤن ہڑتال کی گئی۔

ادھر مقبوضہ کشمیر سے شائع ہونے والے موقر اخبارات نے بھارتی جارحیت اور آزادی اظہار رائے کا گلا گھونٹنے پر صفحہ اول کو خالی چھوڑ کر صدائے احتجاج بلند کیا۔

Comments
Loading...